Nyheter


Fjerde dag i sjakk-NM i Trondheim

15 Jul 2014 skrevet av asmund
To seirar, to tap og ein remis vart resultatet for orkdalingane i dag.

Eivind Andreas Almli i miniputtklassen fekk endeleg ein ny seier og står med 2 poeng etter fem parti.

Den andre seieren stod Åsmund Forfang for og har fått fart på brikkene og har no 3 poeng i klasse 3 og ligg dermed på 21. plass.

Lars Lium, som låg på andreplass i klasse 3 før dette partiet, tapte derimot og har altså framleis 3,5 poeng, på ein sjuandeplass.

Også Hans B. Andreasen gjekk på eit tap i dag og ligg på 27. plass med 2,5 poeng.

Rudi Kilen hadde tidenes enklaste sjanse til å ro partiet i land til seier, men glømte rett og slett å gjere det nødvendige trekket, gjorde eit anna i staden og oppnådde berre remis. Han har 2,5 poeng og ligg på 20. plass i klasse 4.

Tredje dag i sjakk-NM i Trondheim

14 Jul 2014 skrevet av asmund
Ein brukbar dag for orkdalingane ...

Lars Lium gjer det framleis skarpt, og etter ein seier og ein remis i dag ligg han på andreplass i klasse 3, med ein ratingprestasjon på 1708. 3 1/2 poeng på fire parti av totalt ni.

Også Hans A. Andreasen og Åsmund Forfang skåra 1 1/2 poeng i dag. Hans ligg på 15. plass med 2 1/2 poeng og Åsmund på 33. plass med 2 poeng i klasse 3.

Rudi Kilen i klasse 4 fekk ein seier og eitt tap i dag og ligg på 24. plass med 2 poeng.

Eivind Andreas Almli har møtt hard motstand i miniputtklassen etter den seieren første dag og fekk to tap i dag.

Andre dag i sjakk-NM i Trondheim

13 Jul 2014 skrevet av asmund
Ein dag midt på treet for Orkdals-spelarane.

Lars Lium og Hans B. Andreasen møttest til internt oppgjer. Lars kom seg ut av eit vedvarande press mot stillinga og avslutta med ein sedvanleg knyttneve som fekk Hans til å strekke labb. Lars ligg med dette på 5. plass i klasse 3 med ein ratingprestasjon på 1752.

Rudi Kilen kapra også eit heilpoeng etter å ha stått best det meste av partiet, og fekk retta opp bukken frå i går ...

Åsmund Forfang har så langt underprestert og fekk i dag eit halvpoeng etter eit parti der brikkene vart bytta ut i eininga og stillinga vart så remisaktig at spelarane vart einige om å dele poenget.

Eivind Andreas Almli gjekk i dag på eit tap etter vinsten i går. Men det er sju parti igjen!

Første dag i sjakk-NM i Trondheim

12 Jul 2014 skrevet av asmund
Tre seirar og to tap vart resultatet for Orkdals fem deltakarar i NM i sjakk, som begynte i dag.

I miniputt imponerte Eivind Andreas Almli med å slå kretsmesteren i Møre og Romsdal Niklas Unneland i eit overbevisande parti.

Både Lars Lium og Hans B. Andreasen vann partia sine i klasse 3. Dei to som tapte, var Rudi Kilen i klasse 4 og Åsmund Forfang i klasse 3.

Men det er åtte parti til å gjere det på!

Turneringar i Trondheim 5.-10. juli

01 Jul 2014 skrevet av asmund
Det blir avvikla fire sjakkturneringar i Trondheim i tidsrommet 5.-10. juli, altså i veka før NM begynner, alle på Rosenborg skole:

Langsjakk 5.-6. juli.

Hurtigsjakk 8. juli.

Lynsjakk 9. juli.

Gullkongen Barnas Grand Prix 10. juli.



<< Previous ... 2 ... 4 ... 6 ... 8 ... 10 ... 12 ... 14 ... 16 ... 18 ... 20 ... 22 ... 24 ... 26 ... 28 ... 30 ... 32 ... 34 ... 36 ... 38 ... 40 ... 42 ... 44 ... 46 ... 48 ... 50 ... 52 ... 54 ... 56 ... 58 ... 60 ... 62 ... 64 ... 66 67 68 69 70 71 72 73 74 75 76 77 78 79 80 81 82 83 84 85 ... 87 ... 89 ... 91 ... 93 ... 95 ... 97 ... 99 ... 101 ... 103 ... 105 ... 107 ... 109 ... 111 ... 113 ... 115 ... 117 ... 119 ... 121 ... 123 ... 125 ... 127 ... 129 ... 131 ... 133 ... 135 ... 137 ... 139 ... 141 ... 143 ... 145 ... 147 ... 149 ... 151 ... 153 ... 155 ... 157 ... 159 ... 161 ... 163 ... 165 ... 167 ... 169 ... 171 Next >>

Powered by CuteNews